படகினுள் தண்ணீர் புகுவது
கவிழ ஏதுவாக்கும்.
படகின் அடியில் தண்ணீர் இருப்பது,
(அது மிதந்து செல்வதற்கு உதவியான)
ஆதாரமாகும்.
அளவிலாச் செல்வம் படைத்திருந்த
நபி சுலைமான் (அலை) அவர்கள்
தங்கள் இதயத்திலிருந்து
பொன், பொருள் பற்றிய ஆசைகளையெல்லாம்
துறந்தவர்களாக இருந்தமையால்
அவர்கள் தங்களை
ஏழை (மிஸ்கீன்) என்ற பதத்தாலேயே
அழைத்துக் கொண்டார்கள்.
காற்று நிரம்பிய,
மூடப்பட்ட ஜாடி
எந்தக் கொந்தளிப்பான தண்ணீரிலும்
மிதக்கவே செய்யும்.
தம் அகத்தே
ஏழ்மை என்ற காற்றை அடைத்துக்கொண்டவன்
இம்மையெனும் தண்ணீரின் மேற்பரப்பில்
சாந்தி படைத்த உள்ளத்துடன்
மிதந்துகொண்டிருப்பான்.
இம்மை முழுவதுமே
அவன் வசமாய் இருப்பினும்,
அவன் இதயக்கண்முன்
அந்தச் சம்பத்து முழுமையுமே
பூச்சியமாகத்தான் தோன்றும்.
.
.
மௌலானா ❤️
ஜலாலுத்தீன் ரூமி (ரஹ்).
No comments:
Post a Comment