இரகசியம் எனும் ஞானம்.
நீ தூரப் பயணம் செல்வாயாயின்,
(1) அதற்கான உன் ஆயத்தத்தையும்,
(2) நீ எடுத்துச் செல்லும் செல்வத்தையும்,
(3) உன் கோட்பாடுகளையும் பற்றி
யாரிடமும் உன் நாவை உசுப்பி
எதுவும் தெரிவித்து விடாதே!
இந்த மூன்றின் விஷயத்திலும்
பகைவர்கள் பலருண்டு.
இவற்றை அவர்கள் அறிவாராயின்
(உன்னிடமுள்ளதை அடித்துச் செல்ல)
உனக்காக அவர்கள்
வழியில் காத்துக்கொண்டு நிற்பார்கள்.
உன் இரகசிய ஏற்பாடுகளை
ஒருவர் இருவரிடம் சொன்னாலே போதும்.
அது (ரகசியமாய் இல்லாமல்) பரகசியமாகிவிடும்.
இரண்டு மூன்று பறவைகளைக் கட்டி
ஒரு கூண்டினுள் போட்டு அடைத்து வைத்தால்
அவை துயரத்துடன்
தலையைத் தரையில் போட்டவையாகத்தான் படுத்திருக்கும்.
ஆனால், உண்மையில் அவை
(தாம் தப்புவதற்கான வழிவகைகளைப் பற்றித்)
தமக்குள் மிகவும் சாதுரியமாக
யோசனை கலந்துகொண்டிருக்கும்.
மேலாழ்ந்த வாரியாகப் பார்ப்பவர்களுக்கு
அவை சும்மா இருப்பது போன்ற
தப்பபிப்பிராயம்தான் உண்டாகும்.
பெருமானார் (ஸல்) அவர்கள்
தமது அபிப்பிராயங்களைப்
பெரும்பாலும் சமிக்ஞையான கதைகள்,
உதாரணங்கள் மூலம் வெளியிடுவார்கள்.
அதனால், எதிரிகளுக்கு
அவற்றின் தலைகால் புரியாமல் போய்விடும்.
பெருமானார் (ஸல்) அவர்கள்
எதிரியிடமிருந்து
தாங்கள் நாடும் பதிலை வரவழைக்கத்தக்க
கேள்விகளைக் கேட்டுப்
பதிலைப் பெற்றுக்கொள்வார்கள்;
ஆனால், அந்த எதிரியால்
அவர்கள் ஏன் அந்தக் கேள்வியைக் கேட்டார்கள் என்று
அதன் குறிக்கோளை
உணர்ந்து கொள்ள முடிவதில்லை.
.
மௌலானா ❤️
ஜலாலுத்தீன் ரூமி (ரஹ்).
.
"நான் என்ன நினைக்கிறேன் என்பதை
எனது தாடியின் ஒரு முடி அறியுமாயின்
அதனை நான் பிடுங்கி எறிந்துவிடுவேன்." என்று
துருக்கியின் தற்போதைய தலைநகர்
இஸ்தான்புல் (கொன்ஸ்தாந்தினோபில்) ஐ
மே 29, 1453 இல்
24 வது படையாகச் சென்று
இரு மாதங்கள் போராடி
தனது 21 வது வயதில் கைப்பற்றிய இளைஞன்
சுல்தான்.
பாத்திஹ் மெஹ்மத் II அடிக்கடி கூறுவாராம்.
இரகசியம் பேணுதல் என்பது
உதடுகளிடம் இருந்து
உள்ளத்தை மறைப்பதாகும்.
.
முஹம்மத்❤️ஸன்ஸீர்.
08 ரபிய்யுல் அவ்வல், 1443.
15.10.2K21. வெள்ளிக்கிழமை.
No comments:
Post a Comment