Saturday, January 15, 2022

இருப்பதும் ❤️ இல்லாதிருப்பதும்.


முதலில் எனக்கும்.

அப்பால் உங்களுக்கும் சொல்கிறேன்.

சொல்கிறேன் என்று 

சினம் கொள்ளாதீங்க.


இறைவன்,

ஆயிரக் கணக்கானவர்களுக்கு 

அளிக்காத ஒன்றை 

எனக்கு ஏன் அளித்திருக்கிறான்?

ஆயிரக் கணக்கானவர்களுக்கு 

அளித்த ஒன்றை 

எனக்கு ஏன் அளிக்காமலிருக்கிறான்?


இரண்டுமே 

இறைவனின் அன்பு தான்.

இல்லாமல் இருப்பதன் விதியும்

அவனிடமே இருக்கிறது.


அவன்

அளித்திருக்கும் நிஃமத்துக்களில் 

அவனது அன்பைக் கண்டு கொள்ளுங்க. 

பொதுவெளிகளில் பகிர்ந்து 

பெருமை, பொறாமை, 

கண்ணூறு போன்ற கஷ்டங்களை 

நீங்களே ஏற்படுத்திக் கொள்ளாதீங்க. 


கொடுக்கப்படும் எல்லா நிஃமத்துக்களும்

எடுக்கப்படக் கூடியவையே.

நன்றியுணர்வுடன்

பிரார்த்தனைகள் மூலம் 

பாதுகாத்துக் கொள்ளுங்க. 

.

பிஸ்மில்லாஹிர் ரஹ்மானிர் ரஹீம்.


அன்றியும் தீங்கு வந்து உங்களை அடைவதெல்லாம், 

அது உங்கள் கரங்கள் சம்பாதித்த (காரணத்)தால் தாம், 

எனினும், பெரும்பாலானவற்றை 

அவன் மன்னித்தருள்கின்றான்.

(அல்குர்ஆன் : 42:30)

.

"பெருமை" என்பது

பேசுவதால் மட்டும் 

பகிரப்படுவதில்லை.

பதிவுகள் மூலம்

விரல்களும் பேசி விடுகின்றன.

.

.

ஹஸரத் அய்யூப் (அலை) அவர்கள் 

தனக்கு இறைவன் அளித்த நற்பேறுகளைப்

பொதுவெளிகளில் பகிரவில்லை.

பதினான்கு பிள்ளைகளையும் 

ஒன்றன்பின் ஒன்றாக 

ஓரிறைவன் 

சோதிப்பதற்காக எடுத்துக் கொண்டான்.

இழந்ததைத் திருப்பித் தா என்று 

இறைவனிடங் கேட்கவில்லை.

பொறுமையையும், 

பொருந்திக் கொள்ளும் மனதையுமே

பிரார்த்தனை செஞ்சாங்க.


பின்னாளில்

இரு மடங்காக 

இருபத்தி எட்டுப் பிள்ளைகளை

துல் கிஃப்ல் என்ற நபியோடு 

கொடுத்துக் கௌரவித்தான்.

இறைவன் எனும் 

இணையில்லாப் பெருங் கருணையாளன்.

.

முஹம்மத்❤️ஸன்ஸீர்.

முஹர்ரம் 06, 1443. திங்கள்.

(16.08.2K21).

No comments:

Post a Comment