Monday, January 17, 2022

கடல் 🌊🌊


 நீலமும் வெள்ளையும். 

நீயும் நானுமாய்.

.

.

சந்தம் இல்லாத ஒலியெல்லாம் 

சகிக்க முடியாத சத்தம் என்றும்

சந்தம் இருக்கும் ஒலியெல்லாம் 

சுகிக்க இயலுமான இசை என்றும்

சயன்ஸ் பாடத்தில் கற்பித்த என்னிடம் ...


உன்னைப் பற்றி 

இன்னும் என் மாணவர்கள்

நல்லவேளை கேள்வி எழுப்பவில்லை.


உன் சந்தம் இல்லாத இரைச்சல் 

ஏன் உண்மையில் இரைச்சலாய் இல்லை?

இன்பமாய் இருக்கிறது.


உன் ஓயாத ஓசைக்கும் 

என் உள்ளத்தின் பாஷைக்கும் இடையில்

ஏதோவோரு ஒற்றுமை இருந்தாக வேண்டும்.

ஆச்சரியமாய் இருக்கிறது.


ஒலி, ஓசை, நாதம் 

என்ற வகைகளுக்குள்

குரலோசை, குயிலோசை, அலையோசை என்று நீ

ஓசைக்குள் அடங்கி விடுகிறாய்.

ஏனெனில் நீ இயற்கை.


இயற்கையான எல்லாமே 

இயல்பாக இருக்கும்போது அழகுதான்.

நிலவைப் போலவே

உன்னையும் நேசிக்காதவர்கள் யாருமுண்டா?


நாங்கள் மட்டும் 

விதி விலக்கா என்ன?

நாங்களும் நண்டுகள் தான்.

.

.

முஹம்மத்❤️ஸன்ஸீர்.

காத்தான்குடி கடற்கரை.

No comments:

Post a Comment