.
தீமை புரிபவர்களின்
அநீதியான காரியங்கள்
கிணற்றின் இருள் போன்றவை என்பதே
அறிஞர்களின் முடிவாகும்.
ஒருவனுடைய
அநீதி அதிகரிக்கின்ற அளவிற்கு
அவனுடைய (வேதனை, தண்டனை) என்ற கிணறும்
அதிகப் பயங்கரமானதாகவே இருக்கும்.
அதிகமான பாவத்திற்கு
அதிகமான தண்டனையுண்டு
என்பது தானே (தெய்வத்) தீர்ப்புமாகும்!
உன் பலம் மிகுதி காரணமாக
அநீதியால் (மற்றோரைத் தள்ளுவதற்காக)
கிணறு தோண்டுபவனே,
நீ விழுவதற்காகவே தோண்டும்
படுகுழி அது என்பதை அறிந்துகொள்.
(மூடனே,)
பட்டுப் புழுவைப்போல்
நீ உன்மீதே இழைகளைச் சுற்றிக் கொள்ளாதே!
நீ தோண்டுவதோ,
நீயே விழப்போகும் கிணறு தான்.
எனவே,
அதனை அதிக ஆழமாகத் தோண்டாமல்
ஓர் அளவுடன் நிறுத்திக்கொள்!
பலஹீனர்களுக்குப் பாதுகாப்பளிக்க
யாருமில்லை என்று எண்ணாதே!
திருக்குர்ஆனிலுள்ள
"இறைவனுடைய நல்லருள் வந்தது"
(இதாஜா அ நஸ்ருல்லாஹி) என்ற அத்தியாயத்தை
படித்துப் பார்!
நீயொரு யானையாய் இருந்து,
உன்னைக்கண்டு உன் எதிரி ஓடுவானாயினும்,
உனக்காக தண்டனை
பறவைகளின் கூட்டத்தால் (தைரன் அபாபீல்)
உன் தலை மீது இறங்கும் என்பதை
அறிந்துகொள்!
ஏழை ஒருவன்
கருணை நாடிப் பிரார்த்திப்பானாயின்,
(அவனைப் பாதுகாக்க)
வானுலகப் படைகளிடையே (அமரர்களிடையே)
ஆரவாரமே உண்டாகியுள்ளது.
.
.
மௌலானா❤️
ஜலாலுத்தீன் ரூமி (ரஹி).
No comments:
Post a Comment