"கொரோனா"
கடைசிப் பிரார்த்தனையில் என்ன கேட்பது?
கோவிட் 19 எனப்படும் தொற்று நோய்
SARS CoV-2 என்றழைக்கப்படும்
ஒரு RNA வைரசுவினால் பரவுகிறது என்று கேள்விப்படுகிறோம்.
ஆரம்பத்தில்,
இதுவெல்லாம் உண்மை தானா என்ற சந்தேகம்
எனக்குள்ளும் இருந்தது.
RNA வைரஸ்கள் பல்கிப் பெருகுகையில்
அதன் RNA பிரதியாக்கத்தின்போது ஏற்படும் தவறுகள்
(நைதரசன் உப்புமூல ஒழுங்கு மாற்றங்கள்)
சரி பார்க்கப்பட்டுச் சீர் செய்யப்படுவதில்லை.
அதனாலேயே புதிய வகைகள் உருவாகின்றன.
என்கிறது விஞ்ஞானம்.
இதன்படி,
உலக சுகாதார நிறுவனத்தினால்
உலகின் பல்வேறு நாடுகளில்
2020 - 2021 ஆண்டுகளுக்கிடையில் இனங் காணப்பட்ட
அல்பா, பீட்டா, காமா, டெல்டா என்ற தொடரில்
SARS CoV -2 வைரஸ் வகைகள் சுமார் 11 உள்ளன.
(பயப்படாமல் படம் பார்க்க - படத்துல லம்டா இல்லை).
கொஞ்சம் யதார்த்தமாகப் பேசுவமா ...?
.
இதுவரை காலமும்
யாதாயினும்
ஒரு நோயினால் பாதிக்கப்பட்ட நிலையில்
மரணித்தவர்களில்
பெரும்பாலானவர்கள்
இறைவனின் உதவியால்
மீண்டும்
மீண்டு வந்து விடுவோம்
என்று மனதார நம்பியவர்கள் தான்.
இதயத்தின்
வலது சோணையறைச் சுவரினுள்
இதய இயக்கி என்றழைக்கப்படும்
SinoAtrial / Sinus Node (SA கணு) இருக்கு.
1907 ஆம் ஆண்டுதான்
கண்டறிந்து விபரிக்கிறாங்க மருத்துவர்கள்.
இதய இயக்கத்தின் பிரதான கட்டுப்பாடு
இதனிடமே இருக்குது என்கிறது விஞ்ஞானம்.
ஆனால்,
SA கணுவினுடைய இயக்கக் கட்டுப்பாடு,
ஏனைய அங்கங்கங்களைப் போல
நரம்பு மற்றும் அகஞ்சுரக்குந் தொகுதியிடம் இல்லை
என்றும் சொல்கிறது அதே விஞ்ஞானம்.
சோ, சுயாதீனமாக இயக்குகிறது.
நான் மேலே சொன்ன
இதய இயக்கியின் இயக்கம் நிறுத்தப்படும்போது
அந்த மனிதனின் ஆயுளும் நிறைவடைந்திருக்கும்.
ஆனால் மனிதனோ,
ஒவ்வொரு மரணத்திற்குப் பின்னாலும்
ஒவ்வொரு காரணம் தேடிக்கொண்டிருக்கிறான்.
மரணத்திற்குக் காரணம் தேவையா?
சிந்தித்துப் பாருங்கள்.
ஏதோ ஒரு நோய் ஏற்பட்டுவிட்டால்
பொதுவாக நாமெல்லாம்
"என் இறைவா
எனக்கு ஏற்பட்டுள்ள நோயைக் குணப்படுத்தி
எனக்கு நிவாரணம் அளிப்பாயாக."
என்றுதானே பிரார்த்தனை செய்கிறோம்.
இல்லையா?
அந்த நிவாரணத்திற்கு
இன்னொரு பக்கமும் இருக்கிறது.
எந்த நோயுற்ற நிலைமையிலும்
மரணித்துவிட நிகழ்தகவுண்டு.
அந்நிலைமையில்
உலகம் சார்ந்த ஈர்ப்பைத் தானே
உள்ளத்தில் மிகைக்கச் செய்கிறான் ஷைத்தான்.
இறைவனிடம் பாவ மன்னிப்பையும்,
ஒருவேளை மரணித்தால்,
மன்னிப்பையும்,
மறுமையில் மேலான நிலையையும்
நிவாரணமாகக் கேட்கிறோமா?
நீடித்த நோயுடன்
நெடுங்காலம் வாழ்பவர்களும் உண்டு.
சில நாள் நோயுடன் சென்றவர்களும் உண்டு.
நோயே இல்லாமலும்
நின்ற நிலையிலும், நித்திரையிலும்
கல்லறைக் கதவால்
நிலையான உலகிற்குச் நுழைந்தவர்களும் உண்டு.
எனவேதான்,
நோயால் தான் மரணம் நேருகிறது என்பதை
என்னால் ஏற்க முடியவில்லை.
பாதுகாப்பாக இருப்பது முதல் பொறுப்பு.
மருத்துவம் செய்வது அடுத்த பொறுப்பு.
பாவமன்னிப்புத் தேடுவது
அனைத்திற்கும் அடிப்படைச் சிறப்பு.
😔 சுனாமி,
😔 தீவிரவாதிகளின் தாக்குதல்கள்,
😔 வெள்ளப் பெருக்குகள்,
😔 சில தீவிரவாதிகளால் தொடரும்
தீராத சோதனைகள்,
😔 தொற்றா நோய்கள் (நீரிழிவு, புற்றுநோய், etc.)
😔 தொற்று நோய்கள் (டெங்கு, கொரோனா, etc.) என்றெல்லாம்
தொடரும் தொடர் சோதனைகள்
எம்மில்
என்ன சிந்தனையைத் தூண்டியிருக்கு?
எவ்வகை சீர்திருத்தத்தை உண்டாக்கியிருக்கு?
.
எல்லாம் வல்ல இறைவா
எம் அனைவருக்கும்
உனது கருணையால் பாவ மன்னிப்பையும்,
வாழ்வில் நல்ல மாற்றங்களையும்,
இம்மையில் உன் பாதுகாப்பையும்
மறுமையில் மேலான நிலைமையையும்,
தந்தருள்வாயாக.
எங்கள் முடிவை சிறப்பானதாக ஆக்குவாயாக.
(ஆமின்)
.
முஹம்மத்❤️ஸன்ஸீர்
முஹர்ரம் 09, வியாழன்.
(19.08.2K21).
No comments:
Post a Comment