வியப்பின் வேறு பக்கம்.
பூமியில்,
மனிதனின் இதுபோன்ற
பிரம்மாண்ட உருவாக்கங்களைக் கண்டு
வியந்து மூக்கிலே விரல் வைக்கும்
அதே மனிதனின் சிந்தனை,
அந்த வியப்பைத் தந்த
பிரம்மாண்ட சக்தியின் ஆதியை
பின்னோக்கிச் சிந்திக்கத்
தவறி விடுவதுதான்
அதனை விடவும் வியப்பானது.
எழுதுவது பேனா என்று காண்பவன்
கையைக் காண மறந்துவிடுவதுபோல ...
அப்படியென்றால்,
தினமும் மேலிருந்து பூமி பார்க்கும்
ஒரு பறவையின் வியப்பு
எப்படியிருக்கும்?
சுபஹானல்லாஹ் ❤️
சொற்களுக்கு
சக்தி அதிகமில்லை.
ஒரே சொல்லுக்கு
ஒவ்வொருவரின் புரிதலும்
ஒரே மாதிரி இருப்பதில்லை.
அவரவர் புரிதலின் ஆழம்தான்
அதற்கு வெவ்வேறு சக்தியளிக்கிறது.
உதாரணங்கள்:
"அம்மா"
"அன்பு"
"இம்மை"
"இறைவன்"
"சுவர்க்கம்"
.
முஹம்மத்❤️ஸன்ஸீர்.
No comments:
Post a Comment