Saturday, January 15, 2022

"நிலவு"


மரமும், 

மறைமுகமான அதன் வேரும் போல 

எனக்கு மிகப் பிடித்த 

புலன் படங்களில் இதுவும் ஒன்று.


பாதி நிலவைத்தான் 

பௌர்ணமி (முழு) நிலவென்று

பரவசமடைகிறோம். 

இல்லையா?


நிலவு அழகுதான்.

நீண்டுவரும் அதன் இரவல் ஒளியை 

நீங்கிடாமல் இருக்கும் வரை.


அமாவாசையிலும் 

முழு நிலவு இருக்கத்தான் செய்கிறது.

ஆனாலதில், ஒளி இல்லை.

அதனால் யாருமதைக் கொண்டாடுவதில்லை.


ஒளியில்லாத ஒன்று

ஒருவருக்கும் தென்படுவதில்லை.


நிலவைக் கொண்டாடும் மனது

அதன் மூல ஒளியையும் 

நினைக்க மறந்திடலாகாது.

அது இல்லாது 

பாதி நிலவை ரசித்தலென்பது 

முழுமை பெறாது.

.

முஹம்மத்❤️ஸன்ஸீர்.

04 ரபியுல் அவ்வல் 1443 

11.10.2K21, திங்கள்.

No comments:

Post a Comment