இந்த வாழ்கையில்
முரண்பாடுகள்
தவிர்க்க முடியாதவை.
எந்தவொரு
முரண்பாட்டு முறுகல் நிலைமையையும்
அதன் பாதி நிலைக்குப் போவதற்கு முன்னரே
சம்பந்தப்பட்டவர்கள்,
விட்டுக் கொடுப்புகளோடு
ஓர் இணக்கமான முறையில்
ஒரு தீர்வுக்கு வர முயலவேண்டும்.
ஏனென்றால்,
எந்தவொரு முரண்பாட்டு முறுகல் நிலையும்
அதன் பாதி நிலையைக் கடந்துவிட்டால்
அதன் பாதிப்பே இருபக்கமும்
மிகைத்து நிற்கும்.
ஒருவேளை,
பிந்திய பாதியில்
ஓர் இணக்கம் காணப்பட்டாலுங் கூட
"இவ்வளவு போராடியும்
நினைத்ததை நீ அடையவில்லையே
என்ற தோல்வி உணர்வையும்,
நீடித்த பகைமையுணர்வையும்
இருசாராருக்குள்ளும்
ஊதி நெருப்பாக்க
முனைந்துகொண்டே இருப்பான்
ஷைத்தான்.
இங்கே ஒரு கேள்வி எழும்.
முறுகல் நிலைக்கு
முடிவு எப்போது வரும் என்று தெரியாமல்
பாதிநிலையை எவ்வாறு அறிவது?
அது ஒருபோதும் சாத்தியமில்லை.
அதனால் தான் ....
அதன் ஆரம்ப நிலையிலேயே
எவ்வளவு சீக்கிரம் முடியுமோ
அவ்வளவு விரைவாக
ஓர் இணக்கமான முடிவிற்கு
அதனைக் கொண்டுவருவது
நல்லது என்கிறேன்.
ஒரு முரண்பாட்டு முறுகல் நிலையின்போது
நியாயம் தன் பக்கம் தான் இருக்கிறதென்று
தெளிவாகத் தெரிந்துங் கூட
ஒருவர் இறைவனுக்காக
அதிலிருந்து விலகி முடித்துக்கொண்டால்,
இறைவன்,
அவருக்காக சுவனத்தில்
ஒரு மாளிகையைக் கட்டுகிறான்.
(ஸுனன் அபீ தாவூத்)
.
.
முஹம்மத்❤️ஸன்ஸீர்.
08.10.2K21, வெள்ளி.
No comments:
Post a Comment