"செக்கண்ட் ஹேன்ட்"
ஒரே கடை - பல நிஜக் கதைகள்.
.
பாவித்த மோட்டார் சைக்கிள் ஒன்று
வாங்கிக் கொடுக்கிறதுக்காக
தனது சகலனைத் தனது நண்பரின் கடையொன்றுக்கு
அழைத்து வருகிறார் ஒருத்தர்.
62,000 ரூபாவுக்கு மோட்டார் சைக்கிள் கைமாறுது.
ஒருநாள் ஒடிப் பார்த்துட்டு
பிடிக்காட்டி வருவன் என்ற இணக்கத்துடன்
இருவரும் போயிடுறாங்க.
சிறிது நேரத்தில்,
அழைத்து வந்தவர் மீண்டும் கடைக்கு வந்து
தனக்குரிய கொமிஷன் என்று 2,000 ரூபாவை
கடை உரிமையாளரிடம் பெற்றுச் செல்றார்.
.
மோட்டார் சைக்கிளை வாங்கிச் சென்றவர்
மறுநாள் மறுபடியும் வந்து
"எனக்கு இந்த சைக்கிள் பிடிக்கல.
பணத்தை மீளக் கொடுங்க" ன்னு கேட்க,
60,000 ரூபாவை அவரிடம் நீட்டி
"மீதி 2,000 கொமிஷனை ஐ
உங்கள் சகலனிடம் பெற்றுக் கொள்ளுங்க".
என்று கடைக்காரர் கூறிடுறார்.
.
வந்தவர் அதிர்ச்சியில்,
கெட்ட வார்த்தைகளால்
தன் சகலனைத் திட்டிக்கொண்டே செல்கிறார்.
சொந்த சகலன்ட்டயே
கொமிஷன் கறந்த சகலன்.
--------------------------------------------------------------------------------------------------------------------
அதே கடை
மோட்டார் சைக்கிள் ஒன்று வாங்க வருகிறார்
இன்னொரு நண்பர்.
ஒரு மோட்டார் சைக்கிள் 67,000 ரூபாவுக்கு கைமாறுது.
50,000 ரூபாவைக் கொடுத்துட்டு,
மீதி 17,000 ரூபாவை ஒரு மாத கடன் என்று
அன்றைய திகதியுடன் தன் கைப்பட பில்லில் எழுதி
ஒப்பமிடுறார் வாங்கியவர்.
மூன்று மாதங்களாகியும் கடன் வரல.
தொலைபேசி அழைப்பிற்கும் பதிலில்ல.
கடை உரிமையாளர்
கடன்காரரின் வீட்டுக்குச் செல்கிறார்.
அவரது மனைவி வெளியில் வந்து
"கணவர் வீட்டில் இல்லை". என்கிறாங்க.
"உங்க கணவர் 17,000 ரூபா கடன் தரவேண்டியிருக்கு.
மூன்று மாதங்களாகிட்டு.
தொலைபேசி அழைப்பிற்கும் பதிலில்ல." என்றதும் ...
.
17,000 ரூபா வா...?
இல்லையே 13,000 தானே தரணும்.
54,000 ரூபா கொண்டு வந்தாரே".
என்கிறா அந்தப் பெண்.
.
இதோ உங்க கணவர் கைப்பட எழுதிய
கடன் தகவல் என்று பில்லைக் காட்ட,
"இஞ்சங்க நீங்க மோட்டார் சைக்கிள் கடன் 17,000 குடுக்கணுமாமே.
என்கிட்ட 54 குடுத்த, 13 தான் கொடுக்கணும்னு தானே சொன்னீங்க.
கொஞ்சம் வீட்டுக்கு வாங்க ...." ன்னு
போன்ல சம்மன் அனுப்புறா மனைவி.
.
ஆத்தலா 4,000 க்கு ஆட்டைய போட்டுட்டு
ஆத்துக்காரிக்கே அல்வா குடுத்த கணவன்.
-------------------------------------------------------------------------------------------------------------
இனி என்னெய்ர
இப்பிடியும் வாரான்.
இப்படித்தான் இருக்கிறது சில உறவுகள்.
இப்படித்தான்
இமைப்பொழுதில் குலைகிறது நம்பிக்கைகள்.
.
முஹம்மத்❤️ஸன்ஸீர்.
முஹர்ரம் 12, ஞாயிறு.
(22.08.2K21).
No comments:
Post a Comment