.
பரக்கத்தின் ❤️ பாதை.
.
.
அய்யூபிக்களின் (1250 - 1517) ஆட்சிக் காலத்தில்
எகிப்து மற்றும் சிரியா தேசங்களை உள்ளடக்கியிருந்தது
மெம்லுக் இராச்சியம் (Memluk Dynasty).
எகிப்தின்,
இஸ்கந்திரியா (அலெக்ஸாந்திரியா) நகரத்தில்
இப்போதுள்ள வர்த்தகர் சங்கம் போன்று,
ஆனால்,
நெசவு, இரும்புத் தொழில், மளிகைக் கடைகள் போன்ற
தனித்தனித் துறைகளுக்கென்று
சிறிய சிறிய சங்கங்கள் இருந்தன.
உதாரணமாக,
கைத்தறி நெசவுத் துறையில்
முறையாகப் பயின்று, தேர்ச்சிபெற்று
அதனைத் தமது வியாபாரமாகச் செய்யக்கூடிய
நெசவாளி வர்த்தகர்கள் குழுவொன்று,
அவர்களுக்குள் தேர்ச்சியும் முதிர்ச்சியும் பெற்ற
ஒரு தலைவரின் கீழ் இயங்கியது.
இதிலே கவனிக்க வேண்டிய,
இன்றைய காலத்தின் தேவையான
முக்கிய அம்சம் என
நான் காணுவது என்னவென்றால்,
உற்பத்தியாயினும்,
விற்பனையாயினும்
குறித்த ஒரு தொழில் துறையில்
முறையாகக் கற்றுத் தேர்ச்சியும், தகமையும் பெற்றவர்களே
அவர்களுக்குரிய வர்த்தக சங்கத்தில் இணைந்து
குறிப்பிட்ட அந்தத் தொழில் செய்ய முடியும்
என்ற கட்டுப்பாடு அங்கே இருந்தது தான்.
எந்தத் துறையாயினும் சரி,
இறைவனுக்குப் பயந்த,
சட்டதிட்டங்களை மதிக்கின்ற
நேர்மையான, தரமான சேவைகள்
மக்களுக்கு வழங்கப்படுவதை உறுதிசெய்வதே
அதன் பிரதான நோக்கமாக இருந்தது.
மாஷா அல்லாஹ்.
.
.
சரி இப்போ
அலெக்ஸாந்திரியாவுக்குப் போவோம்.
தலைவரின் பிரார்த்தனையில்
தினமும் பின்வருமாறுதான்
தமது தொழிலை அவர்கள் ஆரம்பித்தார்கள்.
எல்லாம் வல்ல இறைவனின் பெயரால் ஆரம்பிக்கிறோம்.
அல்லாஹ்வின் உதவியைப் பெறவதற்காக
நாம் எப்போதும்
சரியெது பிழையெது என்று
உணர்ந்து செயற்படுபவர்களாக இருக்க வேண்டும்.
மக்களுக்குச் சேவை செய்வதே
எமது கடமையாகும்.
ரிஸ்க்கை அளிக்கின்ற எனது அல்லாஹ்வே !
எந்த விதமான திருகுதாளங்களும்,
மோசடிகளும், செய்யாத,
நேர்மையான வர்த்தகர்களாக
எம்மை நீ இருக்கச் செய்வாயாக.
நீதியும், நேர்மையும் உள்ள மக்களாக
எம்மை நீ ஆக்கியருள்வாயாக.
வீண்விரயஞ் செய்பவர்களாயும்,
மனதிலே கபடத்தனம் உள்ளவர்களாயும்,
சோம்பேறிகளாயும்,
சரி பிழை உணராதவர்களாயும்,
தலைக்கணம் நிறைந்தவர்களாயும்
நாம் இல்லாமலிருக்க
உன்னிடமே அடைக்கலம் தேடுகிறோம்.
நஃப்ஸிற்கு அடிமைப்பட்டு
எமது வர்த்தகத்திலும், வாழ்க்கையிலும்
கெட்ட செயல்களைப் புரிபவர்களாக
எம்மை நீ ஆக்கிவிடாதே.
எங்கள் இறைவா !
எமது வர்த்தகத்தில் விருத்தியும், வெற்றியும் அளிப்பாயாக.
ஆமின். 🤲
.
.
அன்றவர்கள்
தன்னையும், தமது ஊழியர்களையும்
அதற்கேற்ப வழிப்படுத்தினார்கள்.
மக்கள் கஷ்டப்பட்டு சம்பாதித்து,
சேமித்துக் கொண்டுவரும் பணத்திற்கு
தரமான, ஹலாலான பொருளையே
விற்பனை செய்ய விரும்பினார்கள்.
துரதிஷ்டவசமாக,
இன்று நம்மிடையே
இதுபோன்ற மக்கள் நலன் அம்சங்கள்
இருந்தால் எவ்வளவு நலமாக இருக்கும்.
நான் சங்கங்களைச் சொல்லவில்லை.
நானும் ஒரு நுகர்வாளன் என்பதால்
நோக்கத்தையும், முறைமையையுமே சொல்கிறேன்.
.
.
முஹம்மத்❤️ஸன்ஸீர்.
22.01.2K22, சனிக்கிழமை.
No comments:
Post a Comment